A CORUÑA

A Coruña acolle a primeira edición en Galicia de STEM Talent Girl

Para fomentar as vocacións científicas e tecnolóxicas entre as mozas.

REDACCIÓN | A concelleira de Benestar Social, Participación e Igualdade, Nereida Canosa, participou no acto de apertura de STEM Talent Girl, celebrado na Escola Técnica Superior de Náutica e Máquinas da Universidade da Coruña. O programa da Fundación ASTI chega por primeira vez a Galicia, co apoio de Aguas de Cabreiroá, e comeza na cidade con 115 alumnas inscritas e 35 centros educativos colaboradores.A iniciativa ofrece formación, orientación e mentoría para achegar as mozas ás disciplinas científicas e tecnolóxicas. O contacto con mulleres que traballan nestes ámbitos permitiralles coñecer distintas profesións, compartir as súas dúbidas e contar con máis información para tomar decisións sobre os seus estudos.Durante a súa intervención, Canosa destacou a importancia dos referentes femininos e de revisar os estereotipos que, desde a infancia, poden condicionar os intereses e as expectativas das nenas. A concelleira agradeceu o traballo das mentoras e a implicación das familias e do profesorado para que as mozas poidan explorar as súas opcións sen limitacións de xénero.