Santi Rodríguez, Santi Millán, Paco León e Toni Moog adiantan ó 28 de setembro a súa cita co público coruñés

A Coruña será o vindeiro 28 de setembro unha da 11 cidades españolas onde se deixará caer o espectáculo "Wanted", a cargo de catro dos actores cómicos máis populares do momento: Santi Rodríguez, Santi Millán, Paco León e Toni Moog. A organización informou nun comunicado do adianto da cita, prevista para o sábado día 29, ao venres día 28 a partir das 21.30 horas. Habituais do monólogo e da televisión, xúntanse por primeira vez nunha xira coa que ofrecerán "veladas teatrais" nas que o público xogará un importante papel. Dirixido por Santi Millán e Carlos Ortet, o espectáculo basearase nas explicacións dos actores sobre a súa peculiar forma de vida e os motivos da súa persecución entre os risos dos espectadores. Así, Santi Millán, coñecido polo seu traballo na serie de televisión 'Siete vidas' e en 'Buenafuente', así como coa compañía La Cubana, preséntase como o cómico "máis peligroso", armado sempre con dous chistes "malos". Paco León, recoñecido pola imitación de personaxes no programa 'Homo Zapping' e na serie 'Aída' confesará os delictos cometidos baixo unha aparencia camaleónica e múltiples personalidades. O "fruteiro" máis famoso da televisión, Santi Rodríguez, desenmascarará a un actor que se agocha baixo o bigote para levar adiante os seus crimes no mundo do humor. Por último, Toni Moog defenderase dun suposto delito por tráfico de monólogos dentro do clube da "Paramount Comedy".