Máis de 3.000 entradas vendidas para o espectáculo "Wanted" de A Coruña

O espectáculo cómico "Wanted. El show de los cómicos más buscados" ten xa máis de 3.000 entradas vendidas das 4.500 localidades dispoñibles no Coliseum da Coruña, onde actuarán este venres ás 21.30 horas. Segundo informaron fontes da organización, foi preciso abrir o tendido alto do Coliseum para dar cabida á demanda do público e ofrecer así as 4.500 localidades. Ao tempo, a produción refórzase en potencia de son e coa ubicación de pantallas nos laterais do escenario para poder seguir o espectáculo con todo detalle. A xira dos actores Paco León, Santi Millán, Santi Rodríguez e Toni Moog vén respaldado polo éxito obtido nas cidades polas que pasaron, especialmente na Semana Grande de Bilbao, onde se venderon máis de 12.000 entradas para as tres representacións previstas.