Cultura asina un convenio con Fomento para rehabilitar o mosteiro de San Xiao de Samos

O director xeral de Patrimonio Cultural da Xunta de Galicia, Felipe Arias, asinou un convenio de colaboración coa ministra de Fomento, Magdalena Álvarez, para acometer as obras de restauración da fachada e a cuberta da igrexa do mosteiro de San Xiao de Samos (Lugo). O departamento que dirixe a nacionalista Ánxela Bugallo investirá nesta obra 124.000 euros, mentres que o Goberno do Estado, con cargo ao 1 por cento cultural, aportará 369.000 euros.