Sidonie, La Habitación Roja, Facto Delafé, Dorian, Hidrogenesse e TAB, no Festival do Norte

Será o 16 e 17 de marzo en Villagarcía

O Festival do Norte xa ten cartel definitivo. Os días 16 e 17 de maio serán as datas para a acampada máis 'indie' de toda Galicia, que se fará, como sempre, en Villagarcía. A música en directo porana, entre outros, Sidonie, Hidrogenesse, La Habitación Roja, Facto Delafé, Dorian e Triángulo de Amor Bizarro. Así, o venres día 16, tocarán no escenario Estrella Galicia Broken Social Scene, 1990's, Sidonie, Humbert Humbert e The Blows, mentres que o escenario Caixanova será para Facto Delafé y las Flores Azules, Tachenko e Franc3s. Dj Amable e Dj Ordovas porán a música no escenario Festival do Norte Dance Club. Precios das entradas Quen o desexe, poderá acampar no Parque O Castriño, adquirindo o abono para os dous días por 22 euros, 25 euros na taquilla. A entrada é de 15 euros por día se se compra con anticipación, e de 18 se se merca na taquilla. Para o sábado 17 de maio está prevista a actuación de Sons & Daughters, Triángulo de Amor Bizarro, La Habitación Roja, Standard e The Right Ons. No outro escenario tocarán Dorian, Hidrogenesse, Clovis e Sizo, para rematar coa festa dance de Dj Nano e Dj Rojiblanco. As entradas xa están á venda na web de Caixanova (www.caixanova.es) e no teléfono 902 504 500. Proximamente comercializaranse nos puntos de venda habituais: Vázquez Leicalle, Froiz e Tipo, en Pontevedra; Froiz e Vázquez Leicalle en Vilagarcía; Gong, Discoprecio e A Reixa, en Santiago; Elepé, Tipo e Gong, en Vigo; Nonis e Portobello, na Coruña; Peggy Records, en Ourense, e Pub Vinilo, no Grove.