Milladoiro e Cuarteto Caramuxo pechan o Festival Folk Cancioneiros o 17 de maio na Coruña

A Fundación Barrié de la Maza ofrecerá este sábado, día 17 de maio, na Coruña un concerto de Milladoiro e Cuarteto Caramuxo, que servirá para poñer fin ao Festival Folk Cancioneiros. O concerto desenvolverase no Palexco da Coruña a partir das 20.30 horas, con entrada gratuíta, previa retirada dos convites na Fundación a partir do venres día 16 ao mediodía. O grupo gañador do Festival Folk Cancioneiros, Cuarteto Caramuxo, compartirá escenario coa consagrada formación folk, coincidindo co Día das Letras Galegas. Ademais, como premio, o Cuarteto Caramuxo obtén unha dotación de 6.011 euros e a gravación dun disco editado pola Fundación. A Fundación Barrié celebrou este certame co fin de divulgar o patrimonio da música popular galega e de fomentar entre os grupos folk afeccionados o interese polo repertorio de cancioneiros como o 'Cancionero gallego', de Torner e Bal y Gay, e o 'Cancionero musical de Galicia', de Casto Sampedro y Folgar, recientemente reeditados por la Fundación. Deste xeito, os dez grupos participantes tiveron que incluír nos seus recitais temas recollidos nestes dous cancioneiros.