A exposición "Galiciadixital" recibiu máis de 16.000 visitas dende setembro

A exposición itinerante "Galiciadixital" recibiu un total de 16.825 visitas dende o pasado mes de setembro nos 13 concellos polos que pasou. Organizada pola Secretaría Xeral de Comunicación, a exposición pretende achegar o audiovisual e os multimedia á cidadanía e servir de plataforma de experimentación de novos sistemas e contidos audiovisuais realizados por empresas e institucións galegas. O concello de Chantada foi onde máis visitas se rexistraron, cun total de 1.800, seguido de Foz, con 1.795, e Noia, con 1.630. Padrón e Castro Caldelas tamén recibiron un bo número de visitantes, con 1.560 e 1.585, respectivamente. A exposición itinerante é unha réplica da exposición permanente "Galiciadixital" situada no Mosteiro de San Martiño Pinario, de Santiago. Ademais, o pasado mes de abril, a mostra foi vista por 5.600 persoas, 500 máis que en abril do 2007. Ata a data, máis de 450.000 persoas visitaron esta exposición, que xa leva varios anos percorrendo Galicia