Nace en Galicia a colección 'Estudios Árabes e Islámicos'

A Fundación Araguaney en Santiago acolle este martes ás 20 horas a presentación dos tres volumes que integran a colección 'Estudios Árabes e Islámicos', nacida da colaboración da Universidad Internacional Menéndez Pelayo (UIMP), a Fundación Araguaney e o Instituto Galego de Estudos de Seguranza Internacional e da Paz (Igesip). Dous dos tres volumes, titulados 'Entre Os Outros e Nós. Estudos Literarios e Culturais' e 'Estudos Árabes e Islámicos. Perspectivas desde as Ciencias Sociais', de Joám Evans Pim, Barbara Kristensen e Óscar Crespo Argibay, son resultado do curso 'Estudios Árabes e Islámicos', celebrado en Rianxo en xullo do ano pasado. A estes títulos engádeselles 'Os contos de animais na tradición oral palestina', de Moncho Iglesias. A presentación correrá a cargo de Xosé Luís Barreiro Rivas, director do Centro de Docencia e Investigación da UIMP en Galicia e patrono da Fundación Araguaney e o editor e coordinador da colección, Joám Evans Pim, ademais do autor de 'Os contos de animais...', Moncho Iglesias.