Teresa Táboas asegura que ?nunca se licitou tanta vivenda de promoción pública? en Galicia

A conselleira de Vivenda e Solo, a nacionalista Teresa Táboas, asegurou en Punto Radio que ?en 2006 teremos licitadas un total de 621 vivendas de promoción pública para rendas de 1.200 euros, a cifra maior dos últimos dez anos. Nunca se licitou tanta vivenda de promoción pública?. E para o ano que vén, a conselleira adianta que o obxectivo é superar esta cifra e chegar ata as 821 vivendas. Ademais, apuntou que durante este ano xa se superaron as 4.100 calificacións de vivenda protexida e reiterou que o obxectivo para 2007 será supera-las 5.000 calificacións. Asimismo, a conselleira apostou por contratar auditorías externas á hora de construir estas vivendas e pon o exemplo de San Paio de Navio, onde as obras comezarán o vindeiro mes de decembro, e no que ?contratamos unha auditoria externa para que controlase todo o proceso, para que despois non nos atopemos con problemas e teñamos que estar reparando por proxectos mal executados?. Segundo Teresa Táboas, é importante controla-la calidade das obras ?e non gastar os cartos públicos en reparar cousas que se teñen que facer ben?. Neste sentido, a conselleira lebra que cada ano se destinan 9,8 millóns de euros para estar ?reparando vivendas con problemas de todo tipo, son cartos que se estragan e que se podían adicar a facer novas vivendas?. Teresa Táboas defendeu en Punto Radio a creación do Rexistro Único de Demandantes de Vivendas de Protección Autonómica, do que dixo que ?é un instrumento que nos permite coñecer ónde se necesita máis vivenda e planificar unha política que dé resposta ás necesidades reais?. Ademais, destacou que ?serve ós propios promotores, que saberán o tipo de demanda que hai? e que ?transparenta a adxudicación de vivenda pública?. Asegurou que ?terá un funcionamento moi sinxelo? e que ?a xente terá que inscribirse neste rexistro, enchendo un simple formulario?. Finalmente, a conselleira apuntou que o seu departamento ten a obriga de reduci-los problemas que teñen ós mozos á hora de adquirir una vivenda. Recoñece que os mozos ?que teñen soldos de 13.000 euros brutos, teñen que facer moito esforzo para acceder a vivenda, pero temos que ofrecerlle un parque de vivendas. Temos que pelear pola nosa mocidade, no podemos voltar a un século atrás cando tivemos que emigrar?.