FIESTAS

Cultura destina máis de 1.200.000 euros en axudas para as festas populares de Galicia

 A Consellería de Cultura e Turismo apoia con 1.247.326,00 euros as festas populares e outros eventos de contido turístico da comunidade galega. Entre as actuacións de fomento do turismo, son especialmente relevantes todas aquelas encamiñadas á conservación do patrimonio inmaterial, que constitúen tamén un atractivo para o turismo.

Entre estas últimas, atópanse as festas e eventos populares que na actualidade acadan unhas cotas moi altas de participación cidadá, tanto naturais do lugar como visitantes, o que implica que se consideren de grande interese desde o punto de vista da oferta turística complementaria.

A importancia crecente destas celebracións fai que moitas delas sexan declaradas de interese turístico de Galicia, estatal ou internacional polas súas singulares características de orixinalidade e calidade, de capacidade de convocatoria, de participación e polo seu especial arraigamento as diferntes localidades.