TELEVISIÓN

Casting para figuración en Compsotela para a miniserie "Mar Libre"

Ficción Producciones ven de convocar un casting para figuración en Compostela para a miniserie 'Mar Libre'. A productora busca homes e mulleres de 25 a 99 anos e nenos de 10 a 12 anos, nunha selección que se realizará no Gran Hotel de Santiago estes xoves e venres.

A rodaxe levarase a cabo entre setembro e outubro e para ambientar as diferentes localizacións precísanse homes e mulleres cos rasgos marcados e facianas curtidas, que se poidan caracterizar con facilidade como labregos ou mariñeiros do século XVIII, época na que transcorre a miniserie.