GALICIA | POLÍTICA
Ana Pontón: "Levamos trinta anos apostando por un modelo de economía verde"
ALLARIZ | No Día mundial da biodiversidade, na
presentación das propostas do BNG para un desenvolvemento sustentable, a
portavoz nacional, Ana Pontón contrapón
o modelo das políticas enerxéticas ambientais do BNG, fronte ao modelo
“depredador” do PP que beneficia aos grandes lobbies da enerxía, a madeira e a
mineiria.
Fronte ese modelo “depredador”, dende o BNG, dixo, propoñemos un modelo sustentable cun “fondo
para para
a conservación da natureza dotado con 100M€, unha estratexia de estruturas
verdes que acollan corredores ecolóxicos e a ampliación da Rede Natura para
protexer o 20% do territorio galego”, na actualidade sitúase no 12% fronte á
media estatal do 27%.
Pontón escolle Allariz como “marca de excelencia” das
políticas ambientais e modelo de desenvolvemento sustentable, económico, verde
e social e afirma que o goberno de Feixóo está ao lado das grandes empresas,
permitindo o espolio dos nosos recursos naturais e poñendo a riqueza do País á
disposición dos “grandes lobbies enerxético,
madereiro e minerio, á costa dos
intereses ambientais, económicos e sociais dos galegos e das galegas”.
Para a portavoz do
BNG, o goberno de Feixóo está máis preocupado “polas portas xiratorias” e os
beneficios de ENCE que pola biodiversidade.
Modelo
de Allariz
O modelo de Allariz,
indicou Pontón, constata a transformación do desenvolvemento sustentable “con
proxectos no ámbito enerxético, no transporte colectivo ou reciclaxe de
residuos” e apostando pola biodiversidade. Este modelo, afirmou, é “exportable
ao conxunto de Galiza”. Desde o BNG levamos trinta anos
apostando por un modelo de economía verde, respectuoso coa biodiversidade e
asentado na recuperación do territorio. En Allariz empezamos pola posta en
valor do Río Arnoia como referente ambiental, económico, social e cultural
impulsando iniciativas pioneiras no ámbito da enerxía, da xestión de residuos e
da mobilidade sustentables.
Sacamos adiante proxectos como
a reserva da biosfera de Allariz con iniciativas económicas capaces de frear a “despoboación
e o abandono” e con proxectos de economía cooperativa. “Apostamos pola
conservación e rehabilitación do entorno construído” e por unha economía verde, sustentable no
ambiental, no social e coa dotación de servizos. A pandemia xa demostrou que a única opción para
ter futuro é a defensa da biodiversidade, “unha
vacina eficaz contra
a ameaza de novas crises
sanitarias, contra
a emerxencia climática e contra os lumes devastadores de nova xeración”,
recalcou a líder do BNG.
A Xunta ao servizo das grandes empresa e das portas
xiratorias
Temos que actuar con decisión,
aseverou Pontón, sobre todo, porque o Goberno do PP vai na dirección contraria,
vai como “un condutor kamikaze” que avanza no que se coñece como a política das
3D, “-destrución, degradación e depredación”. Sobran os exemplos, “somos unha potencia en
electricidade, pero pagamos a factura da luz máis cara do Estado, mentres as
eléctricas se forran”. Somos grandes produtores de madeira pero ao servizo de
ENCE en lugar de apostar pola calidade e polo valor engadido do noso monte cun
aproveitamento multifuncional.
“O Goberno de Feixóo lexisla a favor deses lobbies para
que un puñado de multinacionais espreman como un limón os recursos naturais de
Galiza. Esa riqueza é do País e debe servir para mellorar a vida dos galegos e
das galegas”.
Allariz, modelo
de políticas sustentables
Fronte á política de escaparate da consellaría de Medio
Rural con “aldeas cara á galería”, en Galiza hai un
concello
modelo
que leva desde 1989 apostando
polo desenvolvemento sustentábel e pola diversidade biolóxica. “É un proxecto integral” que abrangue
os espazos urbano, rural e natural, asentado na recuperación, rexeneración
e posta en valor
do río Arnoia como grande eixe ambiental,
social, cultural e económico
Ademais,
engadiu, este modelo desenvolveu
iniciativas pioneiras no
ámbito da enerxía sustentábel, a mobilidade e a xestión
dos residuos e promoveu
a Reserva da Biosfera de Allariz cunha visión
conservacionista de concienciación
e dinamización. O
BNG, indicou a portavoz nacionalista impulsou solucións baseadas na natureza e paisaxes resilientes para combater a despoboación, o abandono, a
degradación e o risco
de incendios
así como cooperativas
e pequenas empresas de transformación de produtos agrogandeiros comprometidas cun rural vivo.
“Os gobernos
municipais do BNG constatan que outra política é posible para defender os nosos
recursos naturais e que os galegos e galegas nos podamos beneficiar do grande
potencial enerxético do noso país”.
No Día mundial da biodiversidade, Ana Pontón, acompañada da alcaldesa de
Allariz, Cristina Cid, deputados e deputadas provinciais do BNG e os deputados
no Parlamento Galego, Noa Presas e Iago Tabarés, percorreron o concello,
emblema das políticas sustentables do BNG para a recuperación ambiental e a conservación do patrimonio natural e
construído. Departamento de comunicación