El Confidencial
radiolider Buscador de noticias buscar en google
José Manuel López García
Piñeiro Docampo
Economí­a

CASO ALCOA

Ana Pontón: "Feijóo debe explicar o voto en contra de ALCOA"

25-11-2021 17:05:51

SANTIAGO DE COMPOSTELA | Inmersos na pandemia do COVID, a portavoz nacional, Ana Pontón, aproveitou a celebración do 25N para denunciar que “hai outra pandemia que afecta ás mulleres, de todas a idades, de todas as condicións, de todas as partes do planeta; unha pandemia que ten como como consecuencias a discriminación, a humillación, o maltrato físico e psicolóxico, a violencia, mesmo a asasinato, todo polo mero feito de ser mulleres. Esa pandemia chámase violencia machista”.

A líder nacionalista destacou que  as mulleres sofre violencia machista  mesmo nas sociedades que presumen de democráticas, “unha violencia constante, unha discriminación constante, un recorte constante dos nosos dereitos e das nosas liberdades, mesmo co agravante de que se nos chega a responsabilizar desa violencia”, denunciou Pontón, quen esgrimiu datos para demostrar a magnitude do problema. 

“Cada día, en cada lugar do planeta, as mulleres sofren violencia machista, son discriminadas no traballo, soportan acoso, cada día miles de mozas volven as súas casas simulando que falan polo móbil se é de noite, cada miles de mulleres son xulgadas por como visten, por como andan, por se van soas pola rúa”, denunciou Pontón.  

A preguntas dos medios, a portavoz nacionalista reiterou que o Bloque é unha forza nacionalista que entende Galicia como nación, dentro dun Estado plurinacional, plurilingüe e pluricultural, ao tempo que ironizou sobre a “obsesión” do presidente da Xunta por tentar definir ao BNG.  “É normal que un Feijóo que en doce anos non logrou ningunha transferencia, que prefire que Madrid decida por nós porque non confía no País, teña dificultades para entendelo”, alegou, destacando tamén os valores republicanos do Bloque fronte ao bipartidismo e a extrema dereita empeñada en defender unha monarquía corrupta.  

En todo caso, o que debe explicar o presidente da Xunta é o voto en contra do PP da intervención pública de ALCOA para salvar mil postos de traballo na Mariña, en lugar de obsesionarse co BNG, “debe unha explicación porque se converte en cómplice do peche dunha factoría e pon en risco o futuro de toda unha comarca”. Departamento de comunicación





www.galiciadiario.com no se hará responsable de los comentarios de los lectores. Nuestro editor los revisará para evitar insultos u opiniones ofensivas. Gracias