FESTIVAL A REVOLTA DO UMIA
O Festival "A Revolta do Umia" anuncia as datas da edición deste 2023
REDACCIÓN | O festival A Revolta do Umia celebrará o vindeiro mes de agosto -a que será a súa sexta edición-, durante o venres 25 e o sábado 26 de agosto. Ao igual que na edición do 2022, ademais de música contará cun amplo programa de actividades paralelas: cata sonora, obradoiros de cerámica, proxección de curtas, obradoiro de dj, obradoiro de percusión, actividades de aventura para os máis cativos, entre outras.
Para a edición deste ano, que continúa poñendo o aceno no carácter medioambiental, a organización traballa en novas actividades que se suman ás xa habituais do evento, especialmente potenciando a contorna do río Umia na que se desenvolve o festival.
En vindeiras datas o Festival anunciará parte do cartel de artistas desta edición, cartel provisional pois a organización traballará ata última hora para potenciar o nivel e calidade dos artistas elixidos. Os primeiros 100 abonos a prezo reducido estarán dispoñibles desde o vindeiro xoves 09/02/2023, abonos que dan dereito a acampada.
Sobre A Revolta do Umia
O festival nace no ano 2017 da man dun grupo de persoas que senten a necesidade de artellar un proxecto musical diferente, coa contorna rural e natural que rodea ao río Umia como eixe central. Precisamente facendo gala desa singularidade, polo festival pasaron nomes como Tanxugueiras, Familia Caamagno, Bala, Terbutalina, Agoraphobia, Grande amore, The Rapants, Viktor Flores, entre outros. Departamento de comunicación